الى كل سعودي وسعوديه

إلى كل سعودية وسعودي ..

ارفع القبعه احتراما وتقديرا ..

اكتشفت انا نحن الشعب السعودي العظيم .. شعب .. قوي .. مكافح .. صبور ..

شعب شعاره فلها وربك يحلها .. بكل مايعنيه هذا الشعار من معاني وفوائد ..

ليه .. ؟

اولا .. على الرغم من الضايقه المالية اللى يعيشها اغلب الشعب ..

والتطفير والفقر اللى يشع ويلمع من عيوننا ..

الا اننا اكثر بشريه في العالم تتسوق ..شغالين مقاضي من سوق لسوق ..من محل لمحل ..
مايمديك تسمع عن كريم رائع رهيب فله الا خلص ..
بلوزة حلوة في المحل الفلاني تعال افلقني اذا لقيتها في اي فرع من فروع المحل ..
روج وردي خاقوقي..جزمه فلات مريحه..تنورة سوداء راكزه..مافيه بح اختفت

وياليته عالاسواق ابد فرمنا ابو المطاعم فرم ..

مطاعم الاسواق تشتكي..مطاعم الشوارع ..

امه لا اله الا الله عندها ..
فتح تشيليز وابل بيز ولو تشوف الطوابير حولها تقول هذولاء ماعمرهم شافوا أكل ..
مطفرين و شغالين بلع ..

من ناحيه الدراسة ..

عندنا من اسوأ الجامعات والمدارس ..اغبى الانظمه والقوانيين ..تعقيدات ومصاعب

..
مبانينا خربانه.. قاعاتنا مكسره ( اذا جيت بدخل القاعة متاهه..لازم اتأكد ان كل بلاطه بمشي عليها ثابته تفاديا لاي تعكرف والا طيحه ممكن تسبب فشيله ).. حماماتنا زكيه ( الله الله يا الحمامات على اخر الدوام وبما ان التصريف عندنا على قدر عالى ماتشم غير روائح الفل والياسمين )..
مكافئاتنا ماتصرف ( تخيلوا كليتنا نزلوا مكافئتنا على البنك بعد معاناه دامت لسنين من التسليم يد بيد ..وبعد فتره وجيزة تطاقوا هم والبنك ورجعوا على النظام الاول ).. قاعتنا ماتبرد ( طيب تخيلوا مره ثانيه انه طول الترم الثاني اغلب قاعتنا خربت المكيفات تخيلوا في هالحر بدون مكيفتدرون ليه؟برضوا الشركة المسئوله عن التكييف عندنا تخاصموا مع كليتنا )..

بس وفي المقابل الشعب شغال تعليم ..طلابنا كثييييير .. الجامعات والمدارس مليانه ..

واجبات وبحوث تعجيزية نقدم ..

امتحانات صعبه نحل ..
انشطه نشتغل ..
تفوف نتفوق ..
نظام التراكمي من اولى ثانوي تحسب الدرجات ..
القدرات ..
التحصيلي ..
تخصصات قليلة ترضى الطموحات ..
ومازال طلابنا يحصدون الـ99 والـ100..
هب عليكم..ماتعوق معهم ماشاء الله..

سقط سوق الاسهم سقطه..

عورت المجتمع وضربته على قفاه ضربه موجعه ..

المؤشر احمر احمر احمر..
والشراء اخضر اخضر اخضر ..
ومازال شعبي الجميل يشتغل بالاسهم..

بناتنا يقولون..

عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..

عيالنا يقولون..
بناتنا..شينات..دلوعات..مايتحملون مسئوليه..ركبهم سود..مهورهم غاليه..
ومع ذلك الزواجات على افى من يشيل ..
القاعات فل ..
المشاغل زحمه ..
وماليزيا تشتكى ..

مافيه اماكن نتمشى فيها ..

لاطبيعه ولا تطور ..(ياحبايبي انا ..طلعت المملكة والفيصلية من خشومنا .. دخلوها في كل شئ حللو ابوها تحليل )..

فماذا فعلنا ؟؟..
افترشنا المخططات ..
مترنا الاسواق ..
استوطنا الثمامه ..

شوارعنا محفره .. مكسره .. معفنه ..

وفوق كل ذا نعاني من زحمه مو طبيعيه ..

النت عندنا خايس ..

وندخل النت ونسولف ونتواصل ونحمل ونسوى اشياء كثيييير ولا بيهمنا ..

هذا الموضوع الى كل سعودية وسعودي مكافح ..

سلخته الشمس واعدمت جلده ..

اتعبه الكبت وكتم نفسه ..
قتلته الواسطه وحطمت اماله ..

صامدون صامدون صامدون ..

سنعيش .. سنلعب .. سنحب .. وسنرقص ونغنى ولو حتى بدون موسيقى..

والله اننا قويين ..

لله دركم ما أعظمكم

صحيح %100بــ%100

يسلمووووو (ق4)

الله يسلمك لغآليك قلبو,,

كلامك صحيح كلـــه
الا من الناحيه الماديه
مو كل الناس حالتهم الماديه زفت
يعني اذا انا رحت مطعم تشيليز ولا ابل بيز ولا فرايديز
اعتبر اني ماشفت اكل !!!!!!!!!!!!!!!
معليش بس هذا الشيء خطأ
مو عيب ولا حرام اني اروح اشتري او أكل من المطاعم
او اذا لبست او شريت شيء غالي

مشكورا ع الطرح

صحيح كلآمك جد وانا معاكي مو كل الناس كذآ ولآعيب وحرام اني اكل والبس شي غالي ابد اذاكان عندهم امكانيه بس الكاتب يعبر عن وجهة نظره هو وبعدين صراحه فيه ناس تشحذ هالفلوس وبالآخير تجلس تتمنظر وتتفشخر انها راحت المكان العلآني والسوق الفلآني وهي مو لآقيه تاكل اصلآ وهذي وجهة نظره,,

صاادقه

هـــــــــــلآبـك نووورتي مره ثانيه,,

اول شي اختي انا مو معك ابد بها لموضووع

1_انو انتي شوهتي صورة المجتمع السعوودي

قلتي انهم ماخلوا مكان ماراحو له قلتي انهم ماخلو شب بالمطااعم قلتي انو كل شي مكسر وجامعاتنا ومدري ايش المهم اختي هذا كللله وما ملا عينك؟؟ غريبه

فيه نااس يتمنوون ربع هالشي فيه نااس تتمنى الخبزه الي تاكلينها مفرووض تحمدين ربك على هالاشيااء

حتى لو كاان صدق هذا بمجتمعنا مفروووفض نبقى نحمد ربنا

ناااس تحتري اي شي عن الشعب السعوودي عشان تنقد عليه

وهذا انتم نزلتوا اشيااء زي كذا عطيتهم الفرصه ينتقدوونا واكيد مانسمح بهالشي احنا !!

على العمووم مشكوووره اختي بس هذي وجهة نظري

دوومتي بود

أول شي مو أنا كاتبه هذآ الموضوع وأنا معاك انو مو كل شي صحيح بالموضوع فيه جانب من الصحه ثاني شي ياحبيلتس شوفي القرف اللي بالجامعات والآماكن العامه صح ولآ لا واولهم كليتنا انتي ابحثي بالموضوع وراح تلقين اشياء كثير سلبيه ولآ انكتبت وبالآخير انا سعوديه ولآأرضي علينا شي مثل هذآ وعلى العموم نووووورتي وجهة نظرك نتقبلها بكل رحابة صدر,,

يسلموووو [ندعوك للتسجيل في المنتدى أو التعريف بنفسك لمعاينة هذه الصورة]

الله يسلمك,,

» القبض على سعودي تحرش بخمس كويتيات ,,,!!!
» سعودي طلق زوجته عبر المايك في مجمع تجاري
» إلزام شاب سعودي تحرش بفتاة بتقليم أشجار الطرقات
» ولي عهد سعودي يدفع مليوني ريال لعتق رقبة مواطن من القصااص