منتدى ترانيم
هلأ والله بزائره انت غير مسجل او مو داخل باسمك الرساله هذى بتنشب لك لين تسجل ملاحظه ترى الي يسجل نعطيه لاب توب <- بدايتها نصب ق1

منتدى ترانيم



 
الرئيسيةالبوابةالتسجيلدخول

 

 قصه قصيميات في لبنان

اذهب الى الأسفل 
كاتب الموضوعرسالة
ضحكة انكسآر
عضو ViP
عضو ViP
ضحكة انكسآر

قصه قصيميات في لبنان  2py5pvt
المشاركات : 1377
السٌّمعَة : 0
تاريخ التسجيل : 14/09/2010

قصه قصيميات في لبنان  Empty
مُساهمةموضوع: قصه قصيميات في لبنان    قصه قصيميات في لبنان  Emptyالإثنين نوفمبر 15, 2010 7:22 am

قصيميات ف لبنان))

حصة وهيلة ومنيره..ثلاثي بنوتي في بيت واحد,,
هذولي خوات ساكنين في بيت أبوهم بعد ماتوفى ومالهم في الدنيا غير هالبيت وراتب ابوهم التقاعدي
ومقطوعين من شجره!!
حصة:الكبيره يلقبونها وزاره الداخلية..موظفه في احد البنوك..راتبه على قد وظيفته..عمره في حدود الاربعين..تعتبر اعقلهم ..سنعه..شخصيه قويه..
هيله:الاخت اوسطى(الوسطى ولا الشرقيه)؟!<بداء التميلح
متخرجه من معهد كمبيوتر وجالسه بالبيت..تلقب بأم لسانين..عربجيه بقوووه
تكره التنانير وتمووت على سراويل السنه وفنايل العلاق..عادي تستهبل مع جيرانهم وتنسم كفرات سيارتهم..كانت تلبس مريوله وتلبس تحته ترنق ابو خطين على جنب
,,غير ال***ريه(وانتم بكرامه)تموووت على شي اسمةمقالب..ماتصدق تلقى خنفسان او صوارير تاخذهم وتحطهم بدرج اختة..باختصاركانت ولد الاحبتين!!
منيره:الاخت الصغرى,تدرس في الثانوي..شايفه عمره على خواته لاته الصغيره..تلقب نفسها ب ميمي


منيره وحصه وهيله جالسين بالصاله عند التلفزيون يشربون شاهي مع كراث وفصفص وجلسه عسسسسسسسسل
وسوالف على كيف كيفكم,,
حصه:مناير وشبس ياقلبي؟؟وراتس تقل ضايقن صدرتس اليوم؟
منيره:الحين ورانا حنا كذا
كل زميلاتي يسافرون بالصيف برى وينبسطون وانا ماعمري تعديت حدود بيتنا
ودي اسافر مثلم
لاتحسسسونن بالنقص؟<تستعطف خواته

حصة:وين تبينا نروح طيب؟
ومع مين؟من بيسنعنا..ومن وين لنا مصروف يكفي؟انتي تحسبين المسأله سهله!!

هيله:هع هع جيبي مدرس رياضيات يحل لك المسأله!!
منيره:بدل ماتستخفين دمتس دوري لنا حل!الله يخليكم ودي اسافر
حصه هيله متى تتطورون؟الناس وصلوا المريخ وحنا سوريا ماوصلناه.

حصه:حنا ماعلينا من غيرنا السفر ماهووب سهل
هيله:اذا على الفلوس راتب ابوي مع راتبتس يكفون..واذا على المحرم ماعليتس ارقدي وامني انا عن الف محرم,,
صدزز=صدق ليش حارمين انفسنا مادام اننا نقدر؟
منيره:ايه خلاص ياحبيلتس خلينا نروح
حصه :طيب وين؟
هيله:قوه=يله لألمانيا تكفوووون عشان اتابع كاس العالم
منيره:اقوول اوص انتي ,,انا اقول قوه لبنان عشان ماتعب انفسنا انجليزي ولاشي..اخواننا عرب..ومنه نروح نلعب بأشكالنا شوي انا اصير اليسا وحصه زي باكال وانتي مثل نانسي
هيله:وووووووووع مالقيتي الا ذولي من زينهن..انا ازين منهن
حصه:اقول اهجدي انتي وياه فرضنا بنروح لبنان من بيحجز لنا ومن بيستقبلنا ووش عرفنا بالاماكن والسكن وووو
منيره:خلو كل شي علي انا بسأل زميلاتي بس انتم قرروا
حصه :والله اني خايفه خلون افكر
منيره:ياحبيلتس يالحصي تكفييييييييييين ودي ولو مره بحياتي استانس(وكان لهذة الكلمه وقع شديد في نفس الحصي)

بعد اسبوع نزلت الحصي على البنات بالصالة
حصة ومعها ورقه تقراء منها:بسم الله الرحمن الرحيم ..اما بعد بعد مناوشت ونقاشات وتكتيكات وتفكيرات متلازمه ررنا نحن(حصه العلي)
السفر خارج المملكه ولكن بشروط سنسردها كالتالي:
1_الميزانيه تكون بيدي
2_مسأله الكشف شيلوها من راسكم لو تعضون الارض ماخليتس تطلعن خشتس لأحد
3_السفر لمده اسبوع فقط
4_الاقتصاد بالأكل والشرب
5_هيله تتك عنه اللقافه وطوله اللسان
6_ان كلمتي هي اللي تمشي واي قرار اتخذه هناك ينفذ بلانقاش
هذا ولو تم تجديد في الشروط السابقه فيلزم الاطراف التقيد بها والا:اقعدوا هنا وانثبرو
هيله ومنيره بصووت واحد:لالالا خلاص اللي تبينه بيصير!!

وبدأت هيله ومنيره والحصي بتجهيز اغراض السفر..
هيله:اقول مناير ,وش رايتس اخذ لبس كشخه ..ولاكله ترنقات وقمصان
؟
منيره(بغت تجيه سكته قلبيه)
وش قمصانه انتي وش قمصانه ؟؟تبينهم ينزلونا من الطياره
الله يفشل العدو خوذي احسن لبس نبي نروح نكشخ
هناك حنا مووب اقل من غيرنا
هيله:اندري انا اقول محد يعرفنا ,,يعني احس اني باخذ راحتي هناك,,
حصه:وش دعوه عاد انتي مقصره هنا,اقوول تراي شارطه عليكم ولاترى بهون!!
هيله:لالاخلاص وه بس وانتي حبحر محد يقولس
شي..كنت امزح معتس ياايتي
حصه:خلي مزححتس ذا بوقت ثاني ..وخلصي ترى كره الساعه 8 لازم نصير بالمطار
منيره:اقوول هلووو تكفين عطين الكاميرا حقتس ودي اخذه معي
هيله:اقوول طسي بذااك مابقى الاهي ..ماعندي غيره من ريحه المرحوم,,
منيره:من زينه الحين..ابيض واسود..ولابعد متكسره مابقى به سنتميتر الاملصق بشطرطون
هيله:ماعليتس..يكفي انه من ابوي
حصه:وبعدين انتي وياه ..يالله خلصو واخمدوا بفرشكم بروح اكمل المطبخ..,,
________
الساعه 2بالليل
هيله:يمااااه
منيره:بسم الله الرحمن الرحيم,,وش بتس وجع هبلتين!!
هيله:مادري يماااه حلمت حلم يخوووف
منيره:خر اللهم اجعله خير وشو؟
هيله:حلمت ان معنا بالطياره انترتيكر..واني تهاوشت معه وجدعن منالطياره,,
حصه:يووووووووووه وانتم ماتخلون احد ينام براحه
منيره:هيله اغديتس نايمه بس.وه ياشين الشهابه من كثر ماتهوجسين بالطياره
تحلمين به خخخخخ وهذا اللي يشوووف مصاارعه قبل النوم
هيله:وه بس تووبه
(ورجع الهدوء يعم ارجاء المكان)
الساعه
8am
حصه جايه من المطبخ تنااافخ وبيده مغرفه:وقسم بالله ان ماقمتوا اني لااهون عن السفر..انتم كفوكم
تروحون لخرخير وترجعون بنفس اليوم بعد..قوومي انتي وياه يالله,,

تقووم هلوو وميمي بشين نفس ويتسحبون للحمام (وانتم بكرامه)
بعد اقل من نص ساعه الكل كان واقف عند باب البيت
منيره:الحييين بنروح للبنان وتبيني اروح للمطار بليموزين ؟؟انا مناير اخر عمري
اركب ليموزين
هيله:أي والله صادقه مناير المفروض استاجرنا دينا 2005 عشان تودينا
منيره:تطنزين انتي ووجهتس..اصلا هذا مستواكم حدكم بيجو 82
حصه:اقول رجعوا الشناط خلاص سفر ومانيب مسافره
هيله ومنيره:خلاص خلاص أي والله نسكت
ركبوا الليموزين وراحو للمطار,,
عند البوابه
الهندي:هدا كمسين ريال عطي
حصه:وشو خمسين ..لاكثير نزل شويه الله يعافيك
هيله:لااحسن حبي راسه
وخري وخري افتح بوجهه خط سريع واحط به نخل بعد!!
حصه:اقوول طسي ادخلي وخلين اتفاهم معه
هيله ومنيره في صاله الانتظار
منيره :يااااي شوفي الاشكال الصح..وااااو وااااو
شوفي شنطه هذي اللي قدامنا هذي فندي<<اسم ماركه
هيله:منه الافندي؟؟
منيره:وش افنديه اقوول اسكتي تكفين لاتحومين تسبدي!!
وهيله ومنيره واستلمو الناس ضحك وتطنز............................
حصه خلصت التذاكر وحملت الشناط وضبطت كل شي..
حصه:يالله خلونا نركب خلاص نادى علينا
منيره :شلون نادى؟ماسمعت اسمس
هيله:هههههههههههههههههه ياربي يالمتطوره تبينه يقول يالله يامنيره تعالي اركبي
حصه ميته من الضحك ومناير تمشي قدامهم من الفشيله..
وعند البوابه وقبل مايركبون
نادى المنادي:الرجاء من الاخت حصه العلي التوجه الي اداره المطار للضروره
حصه:يمه وش السالفه ؟
هيله:اقول اعترفي وش مسويه
منيره:ياربيه فشلتوني روحو لاتاقفون جنبي
ماعرفكم..
هيله:انطمي اويلاااه حنا وين وانتي وين!!
حصه:الله يستر
مدير الامن:من فيكم حصه؟
هيله:اختار انت وش رايك من اللي تصلح تكون حصه؟
المدير:تستهبلين انتي؟ولامنتي صاحيه؟
هيله:الا اصحى من امك بعد!!
وحصه بعد قبصه محترمه لهيله
حصه:انا حصه سم اخوي وش السالفه؟؟



الرجوع الى أعلى الصفحة اذهب الى الأسفل
كيلو بترا
Admin
Admin
كيلو بترا

قصه قصيميات في لبنان  2py5pvt
المشاركات : 1600
السٌّمعَة : 1
تاريخ التسجيل : 05/07/2010
الموقع : حيث اكون =)

قصه قصيميات في لبنان  Empty
مُساهمةموضوع: رد: قصه قصيميات في لبنان    قصه قصيميات في لبنان  Emptyالخميس نوفمبر 18, 2010 7:56 am

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

كملي كملي هههه الله يسعدك
الرجوع الى أعلى الصفحة اذهب الى الأسفل
https://tranem.ahlamountada.com
ضحكة انكسآر
عضو ViP
عضو ViP
ضحكة انكسآر

قصه قصيميات في لبنان  2py5pvt
المشاركات : 1377
السٌّمعَة : 0
تاريخ التسجيل : 14/09/2010

قصه قصيميات في لبنان  Empty
مُساهمةموضوع: رد: قصه قصيميات في لبنان    قصه قصيميات في لبنان  Emptyالثلاثاء نوفمبر 23, 2010 3:01 pm

المدير:ممكن اعرف ميولك السياسيه
حصه بعد انا طاحت خشته من هول الصدمه:وشو؟
وشلون يعني؟
هيله:يعني وش تشجعين؟
هلاليه ياحضره الزابط
المدير:ترى لو ماسكتي انتي عيونك ماراح تشوف النور
هيله:صدزز؟هههههه احسب مير عندك سالفه
منيره تسحب هيله برا الغرفه بأمر من حصه
حصه:والله اخوي مدري وش تقول ..ومافهمت قصدك!!
المدير:ممكن تفهمينن عن سبب وجود سكاكين بمختلف الاحجام
حاطتها بشنطتك؟؟
حصه:هااااو.. وش فيها يعني..انا خفت ناخذ شقه مابه مواعين
..قلت اخذ احتياطي من هنا
المدير:شايفتن بالروضه تلعبين علي؟اعترفي وش وراك ؟؟
حصه:والله العظيم هذا السبب حتى شف الاغراض ماخليت شي بالمطبخ ماجبته!
وبعد تمطيع حلوف وايمااان
المدير:شوفي سكاكينك بتتصادر ..وبتوقعين على تعهد والله يساعدكم ولاتعودينه ثاني!!
حصه:سم وابشر
حصه وهيله ومنيره..ركبوا الطياره ,,
المضيفه:مرحبا اهلين وسهلين..شرفتوا ممكن تعطيني تزكرتك بليز؟
ايه اختي هوون الكرسي تبعك تفضلي
حصه ومنيره صاروا جنب بعض ..اما هيله طلع مكانها جنب رجال..
هيله:وش تبين انتي؟؟وربي مااقعد هنا لو اتعلق بالجناح؟؟
الرجال:ههههههههههههههههههههههههههههههههههههههههههه هه
هيله:وش تضحك عليه انت ووجهك استح على دمك وجع
الرجال:انا آسف
هيله:اقول اوووص بس <<اسلووب خخخخخخخ
المضيفه:ماعليه اختي هيدا هو محلك ..مو بايدي انت اجلسي هووون
وبعد مايخدوا الركاب اماكنهون فيكي تغيريه!!
هيله:اقول لو يجي ابوي اللي بقبره يقول اقعدي ماقعدت,,ماعلي
دبري عمرتس!
الرجال:هههههههههههههههههههههههههههههههههههههه
هيله:ضحكت من سرك بلا..
خيير خيييير وش تناظر؟؟
تبي اسوي بوجهك عزيمه؟؟
الرجال طاح من الكرسي من الضحك
هيله:وتبينن اقعد بعد!!
أقول والله لو اركب مكان الطيار ماقعدت هنا
الرجال:مازال مستمر في الضحك المتواصل
حصه ومنيره لاهين=مشغولين بتقليب القنوات
سمع المضيف صوت هيله الرنان وجاء
يشوف المشكله
المضيف:خلاص اختي تفضلي اجلسي هناك بالدرجه الاولى
مقعد فاضي
هيله)تقل وده تستحي):شكرآ الله يعافيك
وجلس كل واحد بمكانه..بانتظار اقلاع الطائرهالي بيروووت,,

يدأت الطائره بالاقلاع
استقر كل من حصه ومنيره بأماكنهن..اما هيله فقد اخذت لها مقعدآ
في الدرجه الاولى

وشويه شويه<<وينك ياسيبويه!!
بدأت هيه تتحدث مع السيده التي كانت قابعه في القرب منها
...

مرحبا يام الشباب<<ماهيب عربجيه ابدن ابدن
-اهلين وسهلين
-وش اسمتس انتي؟
-انا السيده كارول
-كارول سماحه؟؟
خخخخخخخخخخخخخ
-لاشو كارول سماحه انا وحده تانيه.
-ايه ادري انتي لبنانيه؟
-ايه لبنانيه اصل وفصل
-فصل ولامقصف خخخخخخخ
-باردوون؟؟
-لاحرووون ههههههاههي
-عفوا ماعم بفخهم عليكي
-لاولاشي المهم..انتي موظفه ولا قاعده بالدار مثلي؟
-لاانا سيده اعمال
-أحلى ياسيده الاعمال
-(تبتسم ماتدري وش السالفه)
-وش تشتغلين؟تبيعين غنم ودبش وحركااات؟؟<<هذا حده المسكينه ههههه
-والله ماعم بفهم شو اصدك ..لكن انا بشتغل بالاسهم وهيك بشوف شغلي بالحافظات ويعني هيك شي!
-حافظات؟؟
اييييييييييييه يعني تطبخين وتبيعين؟!
-اطبخ شو؟لاحبيبتي انا عم اشتغل بالاسهم..
-يعني وشو انا ماعرف
-انا بفهمكززلكن شو اسمك؟
-انا اسمي هيله ..تقدرين تقولين الهلي<<ام العربجه

-لامابدي ناديك هلي ..بدي ناديك هلوو ممكن؟؟
-ايه مايخالف..ان بغيتي نادين سحليه ام الخلاقين..
-ايه حلوو نادين..خلاص اسمك نادين
-لاااااا والله انك تنكه!!
-شو تنكه؟.
-ماتعرفين التنكه؟
-لامابعرف
-انا اعلمتس بس انتي علمين شغلتس...




حصه ومنيره لاهين مع الشاشه اللي قدامهم..وكل وحده حاطه السماعه بإذنه ومطوله على الاخر
حصه:منيره ..شوفي المحطه هذي ازين!!
منيره:وشووووووووووو؟مااسمع
حصه:اقوووووول اليووم حر
منيره :وشوووو نطلع البر؟؟
والناس يضحكوون عليهم لآن اصواتهم واصله للكبتن..


المضيفه بدت تدور بالقهوه تضيف ركاب الدرجه الاولى
هيله:تكررررررررررم النعمه وش ذا القهوه ووووووووع؟؟
المضيفه:شو فيها؟؟
هيله وخري وخري بس انا اوريتس القهوه الصح!!
وطلعت هيله من شنطتها الصغيره<<لاحظو الصغيره
غلايه صغيره وقالت:وووين المطبخ؟؟
ودخلت العمه وصلحت قهووه وبدت هي تصب للركاب..
والجميع يشهد بمهارتها في تصليح القهوه
وعينتها كارول:سفيره الكليجا الحسنه

هبطت الطياره في مطار بيروت الدولي....

___________

حصه:هيله هاااو منهي ذي اللي متعنقطه بيدتس؟؟
هيله:هذي صديقتي اللولي ..تعرفت عليها بالدرجه الاولى
منيره:هاااو مشاء الله وش موديتس الدرجه الاولى؟
هيله:اوووف لاتحتكين يالله انزلي وانتي ساكته..

نزلو البنات ومعهم كارول..
كارول:لأمابيصير هيك تروحو من غير ماضيفكوون عندي!!
هيله:معليش خليه مره ثانيه رقمتس عندي اذا بغينا دقينا..
كارول:اوكي حبيبتي
بس لاتنسين تنكتين كليجا منك<<خريت لحرمه
حصه ومنيره :ههههههههههههههههههههه
والله ياانتي ماقصرتي مع الحرمه


وصلو للأوتيل وكل وحده اخذت لها سرير ونااامووووا
كل وحده تحلم ببكره وين بتروح ووش تسوي,,

في اول صباح بيروتي
قامت حصه كالعاده وصحت البنات

ودقت هيله على الرسبشن
_الوو لو سمحت نبي فطور الله لايهينك
-أي من عيوني مدام شو مابدك أولي
- لامهوب من عيونك من المطبخ هههههههههههههه
((حصه تناظر هيله بنص عين))
-هههههههههههه واله دمك عسل
-ادري المهم نبي فطور
-شو بدك ؟
عنا AMERICAN BREAKFAST,,
ltalin BREAKFAST
و ....و....
-والله ماادري وش تقول مير نبي ان تسان عندك فول
وخبز حار وشاهي
-باردوون؟
-ههههههههههههههه لاخروون ..حتى انت؟؟
-سوري مس هيله بس انا مابقدر افهم شو اصدك؟
-مس..؟ولامغرفه !!
اقووول مسك جني عطنا واحد يعرف عربي
-يييي انا عم احكي عربي بس انتي اللي عم تحكي برتغالي
-برتغالي يلون جلدك قول امين
-سوري مس ازا بدك انزلي واختاري لك الفطور؟؟عنا بوفيه مفتوح
-ومتى يصك؟
خخخخخخخخخخخخخخخخخخ
-thanks for calling
طرااااخ<<طبعآ مارتفع ضغطه المسكين..

________________

منيره :هاااه هيله وش صار على الفطور؟
هيله:يقوو انزلو تحت واختارو اللي تبون..
حصه:ازين عشان نأكل الي نبي..

ونزلت السندريلا هيله وخواته للوبي تحت
هيله بعد ان افرغت فاها:طاعووووشته
شوفي الاكل اذا قالو اكل..اجل حنا فطور وخبز
حار..ولابصحون بلاستك بعد!!
حصه:ايييييييه هذا لعز
يالله بس خلونا نفطر وناخذ طاوله؟
منيره:وه بس كلن يناظرنا
لو لو مخليتنا نشيل عباياتنا كان احسن..
حصه:اقول انثبري...من زين وجيهكن الحين عشان تفتشون!!

هيله:اقوول اوووص ابختار انا هذيك الطاوله تهبل..على الشارع
..بأكل ونقزقز هع ههع
وراحت مناير واخذت لها فطور نعووم ورجعت
وهيله بيده صحنين وماخلت شي وماخذته
منيره:هيه انتي وش ذا؟
بتاكلين كل هذا؟
هيله:لاموب لازم اكله يختي دافعين فيه فلوس
لو احطه بالزباله ماخليتهم يتهنون به!!
منيره:الحصي وش بلاتس؟
وراه ماخذتي فطور؟
حصه:مابي شي بي مر بتسبدي؟؟مدري وش انا ماكله!!
هيله:لاواله حنيتي للكراث خخخخخخخخخخخخخخخخخخخخخخ
الرجوع الى أعلى الصفحة اذهب الى الأسفل
tatto
مساعد admin
tatto

قصه قصيميات في لبنان  2py5pvt
المشاركات : 1572
السٌّمعَة : 1
تاريخ التسجيل : 03/10/2010
الموقع : فغرفتي الدميله

قصه قصيميات في لبنان  Empty
مُساهمةموضوع: رد: قصه قصيميات في لبنان    قصه قصيميات في لبنان  Emptyالأربعاء نوفمبر 24, 2010 9:00 am

ههههههههههههههههههههههه

يالبى القصماااااان ههههه

كمليها خيتو
الرجوع الى أعلى الصفحة اذهب الى الأسفل
ضحكة انكسآر
عضو ViP
عضو ViP
ضحكة انكسآر

قصه قصيميات في لبنان  2py5pvt
المشاركات : 1377
السٌّمعَة : 0
تاريخ التسجيل : 14/09/2010

قصه قصيميات في لبنان  Empty
مُساهمةموضوع: رد: قصه قصيميات في لبنان    قصه قصيميات في لبنان  Emptyالسبت نوفمبر 27, 2010 11:19 am

بعد الفطور...,,
هيله: وعمـــى .. الحين عجوووز قاضيه .. وجهه لاعبن به الزمن بلنتيااات ومفحطن به لين قال بس..لابستن برموودا وبودي..!!!!
حصه: ايه تشبب!!
منيره: لااااااا وشوفي هاللي متعلق بيده هذولا الرجال تقولين شنطه!!
هيله: ايييييييه هذا الوفاء والاخلاص والتضحيه من اجل الوطن!!
منيره: أي وطن انتي!!
هيله : المرأه وطن .. المرأه دوله .. المرأه عالم ..!!
حصه:هههههههههه وينك يانزار قبااني تجي تشوف هلوو وش تقول!!
هيله: على طاري نزار تدرين انه كتب نص قصائده بي..!!
منيره: ان شاء الله..
هيله : انا كنت ملهمته .. بس هو عجز يلقان هع هع هع
حصه: قوموا نطلع نتمشى .. طفشت!!
منيره: لا انا ماودي.. بروح اكمل نومتي..,,

- - - - - - - - - - - - - - - - - - - -

حصه وهيله يتمشوون ..,,
حصه: سبحان الله ماكأنهم عرب..ناس مختلفين تماماً....!!
هيله : هاااااااه .. ايه يمكن,,
حصه: وشو اللي يمكن وش بتس انتي..؟!
هيله: مابي شي... بس تشوفين اللي انا اشوفه..؟!
حصه: وشششو؟..؟!!
هيله: شوووفي .. شعوور شقراااء .. وعيووون زرقااااء .. وتأبريني وتسلملي عويناتك .. وجسم وطول ورزه ووووووووو وه بس!!!
حصه: من تقصدين انتي..؟!
هيله تعالي ناخذ ايسكريم من هنا ونجلس على هذيك الطاوله وانا اعلمتس..,,
( بعد ماجلسوا)
بهيله: شووفي هذاك اللي واقف عالكشك اللي يبيع ورد .. وه ياربيييييه شو مهضوم بالحيل مره!!
حصه: اللي لابس تي شيرت احمر..؟!
هيله: احمممممر موولع زي قلبي اللي محترررق ..,,
حصه: هاااو هاااو وش ذا الهرج..؟!
هيله: اوووص انا خلاااااص مش حقدر اعيش من غيره..!!
حصه: استغفرالله العظيم..هيه انتي..وش جاتس وجع!! اصحي وش ذا الخرابيط..؟!
هيله: اووص .. صه صه ولا كلمه..,,
وقااامت هيله للرجال..وحصه تلحقه:
الشاب: ورد لأحلى ورد.. جوري لأحلى صبيّه .. جمال الدنيا كلوو في الورد.. اشتري ورد ياورررد ..,,
هيله: امووووووووت على الورد..قسم بالله احبه!!
الشاب: هههههه مرحبا .. بدك ورده..؟!
هيله: لا بدي ايااااك ..,,
الشاب: شووو..؟!
هيله: هههههههههههههههههههههههههههههه امزززح وراك خفت..؟!
الشاب: بدك ورده..؟! << يصرررف
هيله ( بعد مالقطت) : يؤ..لاخلاص ماابي.. وراحت تركض ودموعه 4×4 على خدوده ,,
حصه:هلوووووووو تعاااااااااالي!!!
هيله: لأ لأ ... وش اسوي بعمري عشان يحبن؟!
ودخلت هيله للأوتيل..وإلى الناس متجمممعه وحالتهم حاله وصراااخ وكن فيه احد طايح بالارض..!!
هيله: وش بكم..؟! وش صااار..؟!
وتدفدف العااالم لين دخلت...
هيله: مناااااااااااااااااااااااااااااااااااير...اخت ي وش بتس..؟!!!!!
واحد من الموجودين: مافيا شي .. ماتخاافي.. اتصلنا عا حكيم هو بالطريق.. اتطمني..
هيله: حكيم..؟! وش نبي به..؟! يجي يغني على اختي آه ياألبي؟! << حتى في اللحظات الصعبه تنكت!! خخخخخخ
منااااااااااااااااير .. قوومي تكفيييييييييين.. يارربيه اختي وش سويتوا به؟؟؟؟
- يااختي مافيااا شي.. انا بعتئد انّو خيتك عنداا انخفاض بالضغط ..
هيله: واااااااااااااااااااع .. << تصيح,,
حصه: يابنت الحلال خلاااااااص ان شاء الله خير وشوله تصيحين فضحتينا..!!
هيله: واااااااااااااااااااااااااع .. بلاتس ماتدرين..قووووومي مناااااااااير تكفييييييييييييييييين!!
حصه: وشششششششششوو اللي مااعرفه...؟!!
هيله: مناااااااير قووومي تكفيييييييين عشان اكسر راستس وانظف بوجهتس ارض المطعم!!!
يابنت الذيييييييينا مالقيتي تدوخين الا وانتي تشربين عصيييير!!
واااااااااااااااااااااااااااااااااع
حصه: وش تقولين انتي...؟!
هيله: واااااااااااااااااااااااااااااااااااااع لابستن بلوووزتي!! << الله يررررجه خخخخخخخ
حصه: احسب الصياح على اختس مير...,,
هيله: اكبر همي عااد انا..!!
شيليه بس خلينا نرقيه فوووق!!


- - - - - - - - - - - - - - - - - - - - - - - - - - - - - - -

الدكتور: ماتخافوا .. مافيا شي .. مجرد انخفاض بالسكر..,,
هيله: ايه دكتور انا ماخذه الحلا من خواتي هع هع هع ..,,
الدكتوره: ؟؟؟
حصه: شكرا دكتور..,,

- - - - - - - - - - - - - -

وراحت كل وحده ترتاح بسريره..,,
هيله تتسحب لباب الغرفه ..
هيله: اشششش اسمع شفت راعي الورد اللي تحت .. اللي يبيع ورد.. روح لعندووو واديه دي الورأه !! << يقالها بتتكلم لبناني!!
السيرفنت : يامزموزيل بس شو بدي إلوو ..؟!
هيله: لاتقول له شي.. عطه الورقه وهو بدوو يفهم .. اوكي؟!
السيرفنت: اووكي..,,


- - - - - - - - - - - -

-شو هيدي..؟!

-مابعرف .. هاي الورأه من مزموزيل ساكنه عنا بالاوتيل .. آلتلي اوصلها إلك ..,,

-اهااا .. اوكي ثانكسس ..

فتح الورقه .. وعرف انها من هيله.. اللي كانت كاتبه:

بسم الله وعلى بركة الله << بتقص شريط الافتتاح ههههههههههههههه

امابعد/

عرفت ان اسمك جوزيف .. لاتقولي كييييف .. عرفت وبس..,,
بصراحه ياجوجو انا حبيتك من أول نظره .. حسيت انك مكعت قلبي مكع..!! << وش دعووه بيفهم!!
وانا مدري وش ازين .. انت وش رايك؟ شو بدنا نساوي؟!
عاد الحب وحبيتك .. يعني لاتوون ولاتشكّه ..العشق مامنه فكّه ..!!
يااخي عساي اتحرول ان تساني مااحبك!!
عسااي للحوله اللي اشوف الواحد سبعه ان تساني ماغرقت ببحر حبك..,,
وه بس يااخي والله احببببببببك !! << ياعمرررررري عالاسلوووب!!
تصدق..صرت اشوفك بكل مكان .. حتى احيانا اشوف وجهك باختي الحصي..مدري شلوون!!
وه بس ياجعل يومي قبل يومك .. ياشيخ عساااي تحت التريله ان تساني اتسذب عليك!!
اهديلك هالابيات:
الحب عذاااااب .. ياورد من علمك تجرح .. << يابعد قلبي هي ههههههههه

وشكرا .. <<خطاب لمدير مدرسه!!

حبيبتك غصبن عليك/ هلوووو ..,,

جوا الاوتيل..,,

- حصه: أنتي وش فيك..؟! هيله .. ألووو ... من صحيتي وانتي اوب طبيعيه..!!
- هيله: هاااه .. مافيني شي..!!
- منيره: وه بس لايكون بس وقعتي في شباك الحب..؟!
- هيله: شبّكوتس مع غنم قولي آمين..!!
- حصه: ايييييييييه هذا وهي ماتدري عن راعي الورد..!!
- هيله: من تقصدين جوزيف..؟!
- منيره: وششششو...؟! وشو جوزيف ذا..؟!
- هيله: ماعليتس..,,
- حصه:هههههههههههه هذا رجال يبيع ورد .. بياع..!!
- هيله: مااسمح لتس تقولين بياع ... هذا اسمه Business man ..!!
- مناير: هههههههههههههههههه ياحليلتس ياهلووو والله وبدا قلبتس يحس..!!
- هيله: وجع وجع .. وانا وش ناقصه عنكم؟! كلي انوثه ماتشوفينه طافحه من كثره..!! << واااااااااااااااااااضح!!
- حصه: هههههه ايه طيب.,,
- مناير: هلوووو قولي لي وشلون شكله .. حلوو..؟!
- هيله: حلو وبس..!! إلا شق يشق القلب!! << قالت ايش قالت كلي انوثه هههههههههههه
- حصه: اقووووول اهااا بس .. وش ذا الخرابيط..!!
- هيله: خرابيط..؟! اصلا انا قرررررت ..!!
- حصه ومنااير: وشششششششششششششششششششششششو؟؟!
- هيله: قررت يصير جوزيف أبو عيالي..وأنا اصير أم غابرييل ..!!
- مناير: وشو غابرييل ذا؟! غابرييل ولا دريل..؟! خخخخخخخخخ
- هيله: يامل الدريل اللي يخرم اذانتس..هذا اسم ابوه الله يرحمه..,,
- مناير: والله ياانتي جايبه برنت كامل عنه!! اغديتس تلقين لتس وظيفه بالمباحث!! خخخخ
- حصه: مانتب صاحيه .. اقووول اوص بس لااحد يسمعتس..!!
- هيله: ماعلي من احد.. والمثل يقول: اللي مايعرف الصقر..يلحسه كله..!!
- منيره: ايه خلي البنت على راحته..تدبر عمره وتستانس وتتزوج لو من لبناني وش فيها يعني؟! الا من يحصله..!!
- حصه: اللي يسمعتس انتي وياه يقول خلااااص الولد خاااق عند هيله .. واثقين انه يبيه!!
- هيله: (( دمووووع)) .. صدقتي!!
- مناير: طيب خلونا ننزل نفطر ونطلع نتمشي .. ودي اشوفه!!
- هيله: هيه هيه انتي .. وش اللي تشوفينه .. اعقلي..هذا قدامي!! اجل من وراي وش بتقولين؟!
- مناير: وه تخليلي يارررب .. عاللي يغاروون!!
- حصه: استغفرالله العظيم .. الظاهر جاايه دقتكم .. من زمان مالفعتكن!! قومي بس انتي وياااه .. بدلوا ملابسكم خلونا ننزل..,,


--------------------------------------------

" تحت باللوبي "
- هيله: الحمدلله .. انا بطلع اسبقكم .. الوعد عند البوفيه اللي بآخر الشارع .. تشاااااااو ..,,
- حصه: وييييين؟!
- مناير: اتركيه .. ( وهي تغمز )
- هيله: وه ياملغتس!!
- حصه: لا امشي كلنا نطلع سوا ..,,
- هيله: سوا ولا عاام .. هع هع
- مناير: هلوو .. اثقلي هاااو!!
- هيله: ايه صح..,,
بعد ذلك بدأ الثلاثي المرح يتمشى في الشارع المحاذي للفندق .. وعندما مرت هلوو من جوزيف.. كان جو(اختصار جوزيف) يقزقزها ويبتسم وهيله قد احمرت وجنتيها من الخجل .. وهي تبتسم تلك الابتسامة الساحره التي لم يرها جو لوجود الغطاء الذي يخفي جمال هيله..,,
مرت هيله من جو وجدعت << اشوى ان سيبويه مات!! عليه قطعة قماش ملفوفه (خرقه) وبما انها طافحه انوثه على قولتها ماعرفت تحط القطعه على العربه..بل فلقت جو مع خشته ..,,
- هيله: اوووه .. آآآسفه .. ققققسم بالله ماقصدت .. أي والله!! تعورت؟!
- جوزيف: لألأ .. مافيي شي .. ماتخافي .. على ألبي متل العسل ..!
- هيله: ( ابتسمت وطست ) ..,,
- حصه ومناير: ((( تشقلبوا من الضحــــــك عليها ))) ..,,
- هيله: ضحكتوا من الهبااااال .. وش تضحكون عليه.؟!
- حصه: لا ابد .. بس تقل جوزيف بغى ينعمي!!
- مناير: ينعمي..؟! الا بغى يفقد الذاكره!!
هيله: نسيت .. قصدي ماانتبهت .. قصدي .. وه بس امشوا (( يابعد الدنيا كسرت خاطري)) ..

وفي أثناء الدوران في الاسواق (ملاحظه نسيت اقولها: ترى اللي مايعرف يبرمج نفسه automatic على الفصحى والعامي يبي يتدهدر هوووون هع هع ) ..


وفي أحد المحلات ..,,

- مناير: هيييييييييي!!!!
- حصه: وشو؟؟ وش بتس وجع روعتين!!
- مناير: ناظري ... عايشه!!!!!!
- هيله: ايه مابعد مت ..,, هع هع هع هع
- مناير: لاااااااااا ... هذي عايشه!!
- هيله: وانتي حاضره عزاه قبل البارح؟!
- مناير: لااااااااااااا .. هذي صديقتي عايشه ..!!
- حصه: عايشه ماغيره؟!
- مناير: ايه ايه هي .. وش جابه هنا .. هماااه بتروح للارجنتين!!
- هيله: هذي اللي دايم تهاوشين معه؟!
- مناير: ايه هذي هي .. شايفتن روحه علينا تقل مافي غيره بالدنيا!!
- هيله: جاااااك المووووت ياتارك الصلاة .. اتركيه علي والله ياانا غاثتن هالبنت .. الحين اوريتس وش ازين به!!
- صديقة عايشه: شوشو .. شوفي التيير هيدا كتيييير حلوو!!
- هيله: هع هع هع شوشو؟! عايشه ومسميه روحه شوشو!!
- عايشه (بعد ماسمعت صوت هلوو) : عفوا .. من انتي؟!
- هيله: ماعليتس .. يازليلة الحياء وكاشفه!! وين العبايه وجع؟!
- عايشه: أي عبايه؟! هذا التطور حبيبتي .. تحسبيني زيك؟!
- هيله: عمر التطور ماصار باللبس يالفارغة الفاغره!!
- عايشه: من انتي؟؟؟
وفي هذه الأثناء .. يدخل شااب كله ملح وقبله اشقرااني واتيكيت وياااااي..
- الشاب: شو شوشو ؟؟ ماعجبك شي؟؟
- عايشه: هااااااه .. معليش نادييل اطلع الحين..بعد شوي اجي..,,
- نادييل: شاديه شوبكِ..؟!
- عايشه: خلاص نيدوو اطلع بليزز..!!
- هيله: نيدوو ولا سيريلاك .. هعهعهعهعهعهعهعهع
- نادييل: شاديه..الست هاي عاملتلك confusion ..؟!
- هيله: هعهعهع شاديه؟؟ تسان قلتيله ام كلثوم ألبق لتس ..!!
- عايشه: نيدوو اطلع لو سمحت ..!!
- نادييل: O.K لاتزعلي,,
- هيله: اقوول نيدو .. لاتنسى شيّك على مدتك قبل تنتهي هع هع ..,,
- عايشه: من انتي الحين؟؟ ووش تبين من؟؟
- هيله: من هو ذا؟؟
- عايشه: ماعليتس!!
- هيله: لااااه ؟؟ اطلع واقوله ان اسمتس عيوووش منتب ورده الجزائريه!!
- عايشه: لا تكفييييييين لاتخربين علي!!
- هيله: طيب اسكت بس ياام الشباب بشرط!
- عايشه: آمري تدللي وش تبين بس؟؟
- هيله: ابيتس تدفعين حساب اللي بنشتريه من المحل هذا..!!
- عايشه: تهئ تهئ .. طيب لاتكثرووون تراه غالي!!
- مناير: ههههههههههههههههه الله يحلل ابليس عندتس!!
- هيله: هع هع وش رايتس عاااد؟!!
- حصه: لاتاخذون كثير حرام البنت ماراح تتحمل!!
- هيله: ولايهمتس..لاتنسين ان قلبي طيب وحنووون...من عيوني يالحصي.. اذا ماصفيت بضاعة المحل..مااصير انا الهلّي حبيبة جوجو..!!
- ههههههههههههههههههههههههههههههههههههههههههههه


بعد مارجعوا للاوتيل.. وهم بالطريق..,,

- حصه: اسمعوا يابنات.. الله يوفقكم خلونا من المشاكل, اووب ناقصين!!
- هيله: وانتي وش جاتس من المشاكل؟؟ اشتريتي ببلاش اللي تبين!!
- حصه: حتى ولو, خلاص يكفي!! خلونا نستانس بس من دون هواش!!
- مناير: طيب اسمعوا .. خلونا نروح للبحر اليوم..شرايكم؟!
- حصه: وشوله نروح؟ لاتفكرين انك بتسبحين!! والله لو تخيسين ماخليتك تسبحين بالبحر!
- مناير: اووووووه .. لاتقعدين تعقديني .. اصلا شلون بسبح وانا لابسه عبايه!!
- هيله: عادي..طبّي وانتي لابسه العبايه,, وش فيها؟ تحدينن اطب؟!
- مناير: لالالا... تسوينه اعرفتس!!
- حصه: خلاص نروح .. بس نتقهوى وننبسط ونرجع,,
- هيله: خلاص انا علي القهوه وانتي الحصي عليتس الحلى..,,
- مناير: وانا..؟!
- هيله وحصه: انتي الي بتشيلين الاغراض!!
- مناير: ايه رجع الاضطهاد..اووف!!!
ومع آخر حرف طلع من مناير..مروا من شلة شباب سمعوا كلامها..,,
- واحد منهم: وقلبوووووووو والله شوفوا هذي مضطهده!! نجي نحررك؟!
- حصه: حرر نفسك أول من اللقافه!!
- هو: ياااااااااااااااي نبرة سعوديااات .. لاحقينا حتى هنا..!!
- مناير: مالحقكم أحد .. انتم اللي وين مانروح نلقاكم طاعوووشته بكل مكان تدهرون!!
- هو: اقوول احترمي نفسك واذكري الله علينا قبل يجيك شي ماشفتيه!!
(( هيله واقفه وساكته))
- مناير: وش بتسوي يعني؟؟؟ بتمد يدك؟؟ يالله جرب وشوف وش بيصير!!
- حصه: والله لاألم عليك خلق الله .. ياقليل الحياء فشلتونا بكل مكان .. أي وحده تمر تتحرشون فيها تقل ماعمركم شفتوا بنات!!!!
- هو: ايه ماعمرنا شفنا بنات .. مانشوف الا أكياس زباله تمشي!!
- مناير: منهم اللي اكياس زباله؟؟؟؟ ياحقير؟!!
الرجوع الى أعلى الصفحة اذهب الى الأسفل
ضحكة انكسآر
عضو ViP
عضو ViP
ضحكة انكسآر

قصه قصيميات في لبنان  2py5pvt
المشاركات : 1377
السٌّمعَة : 0
تاريخ التسجيل : 14/09/2010

قصه قصيميات في لبنان  Empty
مُساهمةموضوع: رد: قصه قصيميات في لبنان    قصه قصيميات في لبنان  Emptyالأحد ديسمبر 05, 2010 8:35 am

[b]- حصه: لاتنسى انك تتكلم عن امكواختك وخالتك وعمتك!!
- مناير: اشووووفكم ماتلاحقوننا تقل مهبّل .. بعدين انتمماشفتوا وش اللي تحت هالزبايل على قولتك.. والله انكم ماتعرفون..عندنا إليسا ونانسيوهيفاء وباسكال ووووووو وربي عندنا وأحلى بعد بس انتم ماتطيحون الا بالشينات!!
- هو: اقوول لايكثر .. وانتي (يقصد منيره) ان ماسحبتي كلمتك ترى بتندمين!!
- مناير: لا مانيب ساحبتها ... وش بتسوي يعني؟؟ يالله جرب!!
- هو: وش فيها الليمعكم ساكته؟؟ ولا طرما ؟؟ هاااااااع هاااااااااااع
- هيله: اقول اقصر الشر وكلتبن!!
- هو: هيه هيه احترمي نفستس!!!!!!!!!!!!!
- هيله: انت اللي بديت ..,,
- هو: اقووول طسي بلا تنك!!
- هيله: تنكه تفتح راسك قل آمين..!!
- هو: الظاهر انتي يبيلك كفخه يالخايسه!!
- هيله: اقووووول الدحمي اقصر الشريالدووووب قبل لاأكب عفشك!!
- هو((( مصروووووووووع))) : نعععععععععععم؟؟؟؟ منانتي؟!
- هيله: خلني ساكته احسن لك ..!! يالله ظف وجهك انت والسلنتح اللي معكقبل أعلم أمك!!
لااااا وقايلها انك راح لمكه تعتمر!!! المسيكينه مصدقتك!! تشوفان ماقلت لأهلك والله لأخلي أبوك يلعبxo بعقاله بظهرك..!!
- هو: ******** << مشفر.. يقالني خخخخخ
- هيله: ههههههههههههههههههههههههههااااااااااااااااااا اااي تكفووووون شوفوا وجهه شلووونصار خخخخخخخخخخخخخ..


لما وصلوا للاوتيل.. وبدلوا ملابسهم وكل وحدهانجطلت على سريرها..
- منيره: هيله... من وين تعرفين الدحمي ذا..؟!
- حصه: ايه صح نسيت اسألتس...منهو ذا؟؟
- هيله: هع هع هع هع هذا ولد ام دحيم جارتنا .. اعرفه من ايام الصرقعه بالشارع!!
- منيره: عاد انتي مايحتاج .. ماكنتي 24 ساعهمع عيال الحاره!!
- هيله: اييييييييييييييييييييييه ,... عهد مضى زمااااااااااان .. لاتذكريني!!
- حصه: هههههههههه حنّيتي للأيام الخوالي..؟!
- هيله: لا .. لأيام عمااااني هع هع
- هههههههههههههههههههههههههههههه
- حصه: هيله .. نسيتأسألك .. وشو اللي جدعتيه على جوزيف؟!
- هيله: ولاشي ..,,
- منيره: وشدعوووووووه ؟؟ تخبين علينا؟؟؟ يالله عااااد وششششششششو؟؟
- هيله: كتبت له رساله .. وعطيته كسرة كليجا..بس,,
- حصه ومنيره: هههههههههههههههههههههههههههههههههههههههههههه الله يرجتس!! كليجا عاااد..!! طيب وشبعد؟؟ مو معقوله بس هذا اللي عطيتيه .. لأنه كان ثقيل!!
- هيله: بس!! ماعطيتهشي!!
- حصه: طيب وش كتبتي له؟؟
- هيله: كتبت له: دبرررر عمرررررك ماعاد فينيصبر .. بقى اسبوع ونرجع للسعوديه.. مانيب رايحه الا رجلي على رجلك << واااثقهيابعد الدنيا هي!! ههههههههههه
- حصه: ههههههههههههههههه ماعندك وقت..,,
- مناير: أما كليجااااا .... الله يرجتسسسسسسس ياشيخه..,, ههههههههههههههههههههههههههههههههههههههههههههه هههههههههههههههههههههههههههههههههههههههههه
جوا احد المقاهي..جلس جوزيف ومعه حرمه وقاعد يسولف معها..,, *

- جو: انامابعرف شو بدي ساوي معها .. هااي مسكينه مفكره اني ممكن حبه!!
- الحرمه: ماتشغلبالك تأبرني..أنا بروح وأتفاهم معها!!
- جو: أي .. الله يوفقك خالتووو ..بتعرفي.. هيدي عطتني هديه ساعه .. بتقول انّا ساعة أمها..وانو ماعندا غيرا هديه .. وهي أغلى شي عندا.. بدي منك تفهميّا وضعي..انا مابدي اجرحها ومابدي اخدعها بدياياكي تخبريّا بكل شيِ...!!
- هي: ولايهمك حبيبي .. ياعيوون خالتوو انتا .. ماتتدايأ خلاص .. خِد لي معها date هوون وانا بنهي الموضوع!!
- جو: يسلمووخالتوووو .. ماألتيلي .. كيف سفرتك للسعوديه .. توفأتي فيها..؟!
- هي: أيالحمدلله .. كتير فرحت .. حتى بالطياره تعرفت على صبايا من هوونيك .. كتير مهضومين .. هنّي جايين هوون ..,,
- جو: اهااا ... cool .. شو رأيك تتغدي عنّا.. سونيايتعمل سباغيتي كتير حلوووو ..
- هي: أي .. وليه لا .. خلاص اعتمد .. كيفوولسمير؟؟ شو عامل؟؟ يخزي العين .. البيبي هيدا طجبمووووت فيه مابعرف شو عامل لي!! كتيررررر مشتاءة (مشتاقه) له!!
- جو: هو كمان مشتاء (مشتاق لغير الناطقينباللبناني خخخخ )..,, خلينا نطلع ..,,

-------------------------------------

* في الاوتيل *

- يالله هلووووو ميمي .... قوموااا .. هيله وين اللي بتصلح القهوه .. قووومي.. ياللهبناات خلونا نطلع للبحر.. يالله يمدينا نستانس قبل تغرب الشمس!!
- هيله: ايييييييييييييه خلااااااااص ذليتي امنا عشان القهوه ..
- مناير: طيب قمت .. خلاااااص
- حصه: ايه يالله انا اللي سويت القهوه والحلى .. الباقي عليكم.. ياللهبدلوا وغسلوا عشان نطلع!!


راحت البنوتات العسولات للبحر..,,

- حصه: مناير..افرشي الفرشه هنا خلاااص لاتقربون للمويه أكثر من كذا..,,
- هيله: الا خلينا نقرّب .. جيبيه هنا يالله..,,
- حصه: هيلــــــــــــــــه .. لاتعاندينن..,,
- هيله: خلاااص وه افرشوه باللي تبوون .. ان شاء الله فوق كبوتالسياره ذي..,,
- مناير: الحصي.. صبي له قهوه بليززز..,,
- هيله: يامحلاالفنجال مع سيحة البااااااااااااااااااال .. في فرشةٍ مافيها نفس ثقيلللللللله .. الله الله هع هع
- حصه: ههههههههههههههه
- مناير: الله يفشلتس اقصري صوتسوجع!!
- هيله: يابنت الحلال خلينا نستانس.. بديرة ماتعرفه .. خذ راحتك به هعهع.,,
+ جت كوره وصبخت مناير مع علباته +
- مناير: وججججججججججججججججججججججع .. ماتشوفون عمى..!!
- هيله ( التفتت عليهم) : يامل الساحق الماحق..والمرضالمتلاحق..اللي يسحقك ويمحقك..وين ماتطس يلحقك..!!!!
- حصه ومنيره:
- هيله: وش بكم؟
- حصه: وشششششش قلتي انتي؟!!!
- مناير: وش ذا الطلاسم..؟!!!
- هيله: ماعليكم هذي من بركات جدتي شمّا ..
- حصه: من متى صارت لك جده اسمهاشمّا..؟!
- هيله: جدتي شمّا .. هذي جدة سليطين ولد ام محمد اللي باخر العايراعتبره جدتي من الرضاع ..,,
- حصه: والله انتس قاضيه ... كل الناس أهلتس!!
- هيله: الشعب السعودي كله أهلي هع هع

- مناير: هههههههههه .. وصلني رسالهبالبلوتوث .. هيله واحد يحسبه جوالتس!!
- هيله: وراه يحسبه جوالي؟!
- مناير: يقول بالرساله .. امووووت على الساحق الماحق خخخخخخخخ
- هيله: وشو نكه؟
- مناير: نكه ( كيف نعيش بلا ددسن)
- هيله: والله لاأحلف انه من عيال حارتنا .. اشوووه اوريتس وش ابرسل له..
- حصه: اقول اعقلوا بلا هبال..,,
- هيله: اصبريعندي مسج اذا شغله بيطلع صوت عااااااالي وبعرف منهو هع هع
- مناير: هاه وش صار؟ارسلتي؟
- هيله: ايه ارسلتها .. دوري مكانه هع هع
- مناير: هههههههههههههههههههههههههههههههههه شوفيه ذاااك!!
- هيله: أي والله .. اخسيالشويب!!
- حصه: هههههههههه طلع شايب .. يالله العقل والدين !!
- هيله: الحمدلله والشكر..ارسلت له رساله
- مناير: وش قلتي؟!
- هيله: قلت استح علىدمك ياشايب عراره قبل لاأعلم ذا المسيكينه اللي معك..
- حصه: حتى الشيبانماسلموا من ذا البلوتوث..
- مناير: تدرين انهم يرسلون اكثر مننا .. وهم اللييستهبلون,,
- هيله: اجل اباخذ شايب يوسع صدري هع هع
- مناير: وجوزيف؟!!
- هيله: لا هين ذاك عين السيح << مسويه حكيمه اللي بالحياله
- حصه: هاااااااو .. بتاخذين اثنين ..!!
- هيله: لاااااااااااااااااااااا .. بس واحدبخليه بكراسي الاحتياط.. هع هع
- هيله: شوفي هاللي متسدحات على البحر .. مانيبقايله عساهن يتسدحن بالمستشفى!!!!!
- مناير: قوموا ابروح اغطّس رجوليبالبحر..,,
- هيله: روحوا انتم .. انا بتقعّد لهالشايب..والله لاأخليه يقوم منالفرشه ويروح بيتهم!!!
- حصه: يالله انا وياتس ميمي نروح ..,,


* راحتحصه وميمي يلعبون بالمويه .. وهيله جلست تتقهوا وتحبرش بالجوال.. *

وفي تلكاللحزه .. جت هيله ضربة من وراها .. والتفتت على بالها اللبزران اللي قبلشوي..

- هيله: يامااااااااااااااااااال الوجع اللـــــــــــــــــــــــــي ...... جوزيف..؟!!!
- جو: باااي هلووو..,,
- هيله: يماااااهيمااااااااااااه .. جو...وشو ذا... وش يبي...ياربييييييه وشاسوي....يماااااااه..,,
وفتحت الورقه..,,

*** عزيزتي هلووو .. بتمنى انكماتتدايئي من الرساله .. بس حبيت إلك ان فيه ست راح تنتزرك في مطعم (هيفين) الليبآخر الشارع .. بدا تحكي معك شوي .. الساعه 9 ونص بكره *** بااااي

- هيله: يماااااااااااااااااااااااااااااااااااه .. وش اسوي... هاااه .. اكيد انه امه .. تبي تخطبن!!
ياربيييييييه .. يابعد حيي ياجو .. وه بس.. وشبسوي!!



وصلنا ان هلووو اخذت الرساله من جوزيف وشافتها.. البنتاحتارت وش تسوي!!!

- هيله: ياربييييييه وش اسوي..اقول لخواتي؟؟ لا صعبه.. اتركه؟؟ لا أصعب .. وه بس ياررربيه وش اسوي..!!
- حصه: تعااااالي هلووو واللهالمويه تجنن!!
- هيله: لا ماابي..ابتقهوى..,,
- مناير: حصـــــــــــــــه .. تعالي عندي لكم سالفه مهمه جدا جدا جدا جدا جدا جدا .....
- حصه: اوووص صجيتينا .. خلاااص روحي انتي للفرشه وانا ألحقتس..,,
- مناير: هلوووو .. عندي فكرهرهييييييييييبه تكفين ساعدين وافزعي معي قبل تجي الحصي..,,
- هيله: وش عندتسياهدرانه .. والله ماوراتس الا الدجه ادري..بس هاتي وش عندتس..؟!
- مناير: اسمعي.. انا شفت بفيلم .. ثلاث خوات زينا..عايشين ببيت واحد..المهم اتفقوا انهميبعدون عن بعض لمده شهرين وكل وحده تشوف نفسه..وبعد الشهرين يجتمعون وتشوف كل وحدهوش سوت الثانيه خلال الشهرين..,,
- هيله: طيب..؟! وش قصدتس.؟!
- مناير: انااقولتس بس انتي ركزي معي.. الحين كم باقي لنا نجلس هنا قبل نرجع للسعوديه؟!
- هيله: اسبوع تقريبا..
- مناير: حلووووو..خلال الاسبوع هذا.. نفترق..وبدل مانصيربغرفه وحده ..كل وحده بغرفه..ومانشوف بعض أبد..وكل وحده تسوي اللي تبي..وبعد اسبوعنلتقي ونشوف كل وحده وش سوت.. ونرجع للسعوديه.. وش رايتس.؟!
- هيله: اقوووووولطسسسسي فيذاااك .. وش تبين انتي؟؟ ايييييييييه عشان تستهبلين على كيفتس..لايااختيانتي مراهقه ويبي لتس رقابه..!!
- مناير: لا والله؟؟؟؟ وش قالوا لتس ماتربيتانا؟؟ بعديييييييين انا مانيب راعية حب وخرابيط مثل بعض الناس<<وهنااا جت علىالوتر الحساس بتاع هيله<يرحم أم اللغه ههههههههه
- هيله ( بينها وبين نفسه): والله انها فكره..على الاقل اقابل هالحرمه واشوف وش سالفتها من دون مااحرج نفسي معالبنات..!!
- هيله: اسمعي..انا ماادري..انتي فكري وقولي للحصي وشوفي وشتقول..,,��- حصه: وشوووو وشوووو سمعت طاري اسمي..وش تقولووون ..حشيتوا فيني..ترامااسامحكم ليوم الدين!!
- هيله: هيه انتي اعصابتس من زينتس نحش بتس..اكلتينابقشورنا!!
- حصه: انا من زيني..؟!!! طااايب مشكوووره
- هيله: امززززحيالمملوحه..,,
- مناير: حصه .. ابقولتس شي..,,
- حصه: ايه ادري قلتي لي انعندتس موضوع..وشوو هاتي ماعندكِ يافتاة..,,
- مناير: انتي الحصي..اختيالكبيره..وقدوتي بالدنيا..وانتي امي وابوي واختي واخوي واهلي..وانا مااقدر استغنيعنتس و...
- حصه: خلصينا .. اكيد عندتس شي تسايد (كايد لغير الناطقين بالقصمنجيهخخخ)
- مناير: اسمعي انا اقولتس.. شخشخشخشخشخشخخشخخ << تقولها القصه بستم حذفه لعدم الاطاله..,,
- حصه: نعم نعم نعم ..؟؟؟ وش قلتي حبيبتي..؟؟ماسمعت..!!
لا ياشيخه .. هذا اللي تبينه..ماعاد الا هي..لاحبيتي الا هذي اناماعندي هالخرابيط اللي تقولين.. يالله هنااااااااااك..,, هيله وش رايتس انتي قووليشي!! حنا متفقين اننا ناخذ رأي الاغلبيه!! وعندنا ديمقراطيه نمشيعليها..,,
-هيله: انا اقول خلينا نجرب وش ورانا.. كلنا متربيات ونعرف حدودناوماراح نخربط ولا نروح من هناااااا ولا من هنااااااا ..
- حصه: لاااااا ؟؟ اجلكذاااا اتفقتوا علي.!!
- هيله: انتي خلينا نجرب..وكل وحده تاخذ مصرفها وتصرفهعلى كيفها..والوعد اخر الاسبوع..,,
- مناير: تكفين الحصي... لاتخربين السفرهعلينا..متى عمرنا سافرنا كذا...؟! تكفيييين الله يخلييييييييييييييييييك..,,
- حصه: كيفكم .. بس عندي شرط!!
- هيله: وشوو؟
- حصه: كل وحده تتحمل مسؤوليةنفسها.. مو تجوون تقولون ضاعت فلووسي..ولا محتاجه فلووس..ولا هذي لعبت علي وسرقتنيووووو..
-مناير: لو يقطعوني اربا اربا ماقلت لتس شي!!
- هيله: اخسسسسس يااربا .. حلووه والله من وين جبتيها؟!!
- مناير: هههههههه مدري هي طلعت من الحماس.. هاه الحصي وافقتي؟!
- حصه: وامري لله..!!!!!



كل وحده من الثلاثيالمرح اخذت لها غرفه بالاوتيل..وبدت تشوف وش وراها ووش تتمنى ووش بتسوي..!!


* غرفة منــــاير *

- مناير: الوووو .. لو سمحت ممكن ترسليالسيرفنت .. ابغاه يجيب لي منيو حقت المطعم اللي تحت..,,
- هو: ايه تكرم عينكمزموزيل.... بس بعتئد انو فيه منيو للمطعم عندك شوفيا عالشافونيرا اللي جنب ال TV ..,,
- مناير: اهاااااا .. معليش اسفه ماانتبهت لها << ياشين السرج على ... ههههه .. خلاص بااي..,,
طرااااااااااااااااااااااااااااااااااااااااااخ .. واخزياااه واخزياااه دقيت اتميلح وفشلني!!


,, . ,, . ,, . ,, . ,, . ,, . ,,

* غرفة الحصي *

طووووووووووووط طوووووووووووط الحصي غير موجودهفي الخدمه مؤقتا.. ( طالعه برااا )


,, . ,, . ,, . ,, . ,, . ,, . ,,

* غرفة الهلـــي *

- هيله: ياربيييييه وش بقول للحرمه .. ,, لااااوش بلبس الحين ... لاااا وشلون بتكلم معه .. لااااا وشلون بطلع .. ,,

ياربييييييييه بس .. معقوله تكون امه؟؟ طيب اذا تبي تخطبن تجي هي للاوتيلوشوله انا اروح.. طيب لو خطبتن وش بقول؟؟ بوافق؟؟ من دون مااقول لخواتي شي؟؟ اخافخالي عبيّد يذبحن لو درى.. طيب شلون وين احط العرس هنا ولا بالسعوديه.. ودي اعزمصديقاتي وافرح << يااابعد الدنيا هي كسرت خاطري والله!!

ومازالتالهلي تفكـــــــــر حتى جاءت الساعه 9 بالليل[/b
]
الرجوع الى أعلى الصفحة اذهب الى الأسفل
ضحكة انكسآر
عضو ViP
عضو ViP
ضحكة انكسآر

قصه قصيميات في لبنان  2py5pvt
المشاركات : 1377
السٌّمعَة : 0
تاريخ التسجيل : 14/09/2010

قصه قصيميات في لبنان  Empty
مُساهمةموضوع: رد: قصه قصيميات في لبنان    قصه قصيميات في لبنان  Emptyالأحد ديسمبر 05, 2010 8:41 am


الجزء الاخير

دخلت الهلي المطعم.. وكانت تدور حرمه جالسه لوحدها ..
- هيله: ايه هذااه .. مرحبااا .. انتي ام جو؟؟
- هي: باردوون؟؟
- هيله: حتى انتي باردوون وش عندكم انتم وهالبرد..لا حرووون!!
- هي: عفوا انتي بدك ياني؟؟
- هيله: لا بدي جو وش ابي بياني خليه لتس..!!
- هي: شو بدك مني ماعم بفهم عليكي..,,
- هيله: انتي من تنتظرين هنا؟
- هي: مابنتزر حدا .. انا جايي لوحدي هوون..
- هيله: اهاااا اجل غلطاانه يابعدي.. تشاووو ياباردوووون..,,

- هيله: وين طسسست خالتي < ياعمرررررررري انتي..,,
لو سمحت .. فيه طاوله محجوزه باسم جوزيف هنا؟؟
- هو: أي في خيتوو .. الطاوله رأم سبعه..,,
- هيله: شكرا.. يازين السنع وراي ماسألت من قبل..بدل مااهارج هالباردوون والحرووون..,,
وجلسست على الطاوله تنتظر خالتها تجي..,,
وماهي الا هنيهاااات << متعوب عليها ترى.. الا وتجي الخاله وتسلم عليها من وراها..,,

- الخاله: هااااي .. انتي اللي إلك موعد معي.. انا خالــ ... هلوووو؟؟؟؟؟؟
- هيله: كارووووول!!! اهلييييييييييييييين وش اخبارتس وشلونتس.. يامحاسن الاصداف مدري القواقع .. ورب صدفة خير من ألف ميل تبدأ بخطوه هههههههههه ..,,
- كارول: هلووو .. انتي اللي.......................؟!!
- هيله: انا اللي وشووو؟؟ وش بتس تقل شايفتن جنّيه؟؟
- كارول: هلووو انتي بتعرفي حدا باسم جوزيف؟
- هيله وهي مستحيه: ايه اعرفه ليشش؟؟ وش عرفتس؟؟
- كارول: لأأأأ .. مو معأووووول ...
- هيله: وش السالفه وش بتس؟؟
- كارول: عدي لإلك ..,,

(( وجلست كارول خالة جو تقص لهلوو القصه كلللللللللللهااا..,,
وقالت لها ان جوزيف متزوج بنتها وعنده ولد .. وانه مافكر فيهااا بس انه رحمها يخاف تتعلق فيه اكثر..,,))

وصف الحدث:

هلووو مسيكينه انصدمت صدمه ماقبلها ولا بعدها... مانطقت بحرف واحد.. وكارول تواسيها وقالت انه يقول عنها مهضومه وحبوبه وطيبه..ورجعت لها الساعه حقت امها..


- هيله: حصل خير.. اصلا انا كنت حاسه..ومازعلت عادي الوضع ..,,

- كارول: بتمنى انك ماتزعلي مني.. ياحبيبتي انتي ولا يهمك..بكرا الله بيعوضك وبتتجوزي سيد سيده كمان..,,

- هيله: ههه لا عادي ماصار شي..عن اذنك انا بطلع وراي مشوار مهم..سلمي لي على جو وزوجته..,, مع السلامه..,,

- كارول: استني هلووو .. بدي احكي معك.. استني!!!


وراحت المسيكينه .. وهي تترنح في مشيتها من هول الصدمة التي صعقتها قبل لحظات..وكأن قصرها الذي بنته في قلبها قد تحطم بأكمله وانهار على حبها الوحيد وقتله قبل ان يرى النور.. ( قايلة لكم اللي مايقدر يبرمج نفسه عامي/فصحى بيتدهدر هنا خخخ )

..........................................

بعد اسبوووووووووووووووووووووووع,, وبالتحديد قبل الذهاب الى المطار للعودة الى منفوحه .. قصدي الي بيتهم,,


اجتمعوا البنات بغرفة الحصي..,, وبدأ السلام بالقبلات والاحضان..,,
وكل وحده بدت تقول وش صار لها ..

- الحصي: اسمعوا بنات.. انا بقولكم باختصار.. انا تعرفت على وحده لبنانيه تشتغل طباخه هي وزوجها بمطعم حلوو وراقي .. وبعد ماعلمتها بعض الاكلات الشعبيه..عرضت علي اني اسكن بشقه قريبه منهم واشتغل معهم ولي نسبه من ارباح المطعم.. وانا بصراحه فكرت ولقيت انها فرصتي وماراح تتعوض..الراتب اللي اخذه هنا يعادل ضعفين الراتب بالبنك هنااك..,,

- مناير: هااااااااااه؟؟ تجلسين هنا؟؟ يامحاسن الاصداف على قولة هلووولتنا .. اجل انا رحت بجوله على جامعاتهم ولقيت عندهم تخصص الانجليزي حلووو وسهل نوعا ما..ومافيه تعقيد زي جامعاتنا.. فأنا قررت اكمل دراستي هنا وبشوف مستقبلي بالجامعه..,,
- هيله: ................................... < ساكته
- حصه: هلووو .. وانتي وش سويتي؟؟ ووين رحتي ؟؟ ووش شفتي؟؟ وش بتس؟؟
- مناير: هلوو وش صار على جوزيفتس؟؟ ماشفتيه؟؟ وش بتس ساكته تكلمي!!!!
- هيله: خلصتوا؟؟ وقررتوا... خلاص اجلسوا الله يوفقكم.. انا برجع للسعوديه بعد شوي..,,
- الحصي: هيله وش صار لتس طيب؟؟ تكلمي.. ضيعتي فلوستس؟
- مناير: لااا يمكن سوت شي وندمت عليه..
هيله: وجععع .. اووب انا اللي اسوي كذا يالتعبانه.. انا مافيني شي ابرجع وبسس
- مناير: طيب لاتنافخين بالطقااااق طسسسي,,
- هيله: مانفخت ياقليلة الادب..,,
- مناير: انا قليلة ادب؟؟ ليششششش انا اللي كنت الاحق رجل واحبه ووو
- هيله: اووووووووص خلاااااااااااااااص انا تعبت .. انتم ماتحسون..انتم ماتفكرون الا بمصلحتكم.. ماابي شي منكم,,
- الحصي: خلاااص انتي وياااه .. كل واحد يسوي اللي يريحه..,,

وتزاعلوا الاخوات ... وظفت هيله شناطها وراحت تلحق على موعد الطياره.. والحصي ومناير راحت كل وحده لغرفتها..,,


* في صالة المغـــــــــــــادرون *


هيله جالسه تنتظر يعلنون عن موعد الصعود على الطائره وهي تمسح دموعها اللي ماوقفت من اول ماطلعت من الاوتيل..,,

- هيله: الله لايعيدها من سفره..الله لايعيدهاااااا .. بسفره وحده انقلب حالنا كذا؟؟ خواتي راحوا ومادروا عن .. كل وحده همها مصلحتها وبس.. وانا الغبيه حسبت اني اقدر أحب..وحبيت .. وتوهقت..وانجرح قلبي وماظنتي بيلتئم جرحه.. ياررربي سامحني انا غلطت .. استغفرالله العظيم .. ياربي ابي خواتي..من لي بالدنيا غيرهم؟؟ يارب انا ضعيفه مالي بالدنيا الا هم.. من اجلس عنده؟؟ خالي عبيّد .. من زين ذا الخال اللي ماعمري شفته الا بالعيد وزين اذا جاء.. يارربي وش اسوي بعمري.. وشلون بعيش؟؟ وحيده؟؟؟؟؟؟؟ لا وظيفه ولاطلعه ولا دخله ولااحد اتكلم معه .. شلوووووووووووووووون بعيش شلووووووووووووووووووووووون!!!


الرجاء من الركاب المسافرين على الرحله رقم 346 المتجهه الى الرياض التوجه الى البوابه رقم 73 وشكرا..,,



وجلست الهلي على المقعد وربطت الحزام ( عشان مايبلشونها) وكملت صياحها..,,

- هي: لو سمحتي اختي.. ممكن تبادليني بالمقعد؟؟
- هلوو: لأ ..
- هي: حتى لو قلت لك يامحلا الفنجااااال مع سيحة الباااال في طيارة مافيها مقعد ثقيل...؟!!
- هيله: هييييييييي .... منـــــــااااااايرررررر!!!!!!!!!!!
شلووووووون جيتي.. وراتس؟؟ شلون غيرتي رايتس؟؟

- مناير: وانا اقدر استغني عنكم .. ولا اعيش من غيركم؟؟
- حصه: وفلوووس الدنيا كلهااااااااااااااا ماتغنيني عنكم!!!!!!
- هيله: الحصصصصصصصصصي بعد!!!!


... + ملاحظه: المشهد متسلفته من فيلم هندي + ...
صيااااااااح وخمخمه وبوسااات وحالتهم حاااااااااااااله..,,

- مناير: هلووو فقدتينا؟؟
- هيله: يعني.. عادي عندي ..يمكن ضاق صدري شوي..بس مومرره,,
- حصه: اييييييييه واااضح ماكأننا جالسين وراااتس بصالة الانتظار هههههههههههههههههههههههههههههههههه
- هيله: هااااااااه .. ايه كنت ادري .عشان كذا استهبلت عليكم.. <<لآخر لحظه تتلكع!!
- مناير: ايه هييييييييييييييييييييييين .. اهم شي لما قلتي من بسولف معه!! مت من الضحك ههههههههههههههههههههههه
- هيله: هههههههههههههههههههههه الله يرجكم .. تصدقون اكتشفت اني احبكم!!
- حصه ومناير: لاااااااااااااااااااااا ؟؟
ههههههههههههههههههههههههههههههههههههههههههههه ههههه ههههههههههههههههههههههههههههههههههههههههههههه ههههه ههههههههههههههههههههههههههههههههههههههههه
..,,


ورجعوا الاخوات الكريمات للسعوديه..,,

يقولون ان الحصي تقلدت منصب كبير وصارت مديرة البنك..,,
وان الهلي تزوجت وعندها درازن بزران ..,,
وان مناير صارت معيده بالجامعه ..,,
هم يقولووون .. والله أعلم...................!!!

بااااااااي


الرجوع الى أعلى الصفحة اذهب الى الأسفل
 
قصه قصيميات في لبنان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ترانيم :: المنتديات الادبيه~ :: اوراق مبعثره-
انتقل الى: