يوميات طالبة سعوديه طفشانه من الدراسه

صباح /مساء الخير

اليوم جبت لكم يوميات طالبه سعوديه طفشانه من الدراسه

~~~~~~~~~~~~~~~~~~~~~

يبدأ يومي انا الطالبة الخايبة الطفشانة من المدرسة

بصرخة من ماما ^^^ قومي يلا تأخرت ع المدرسة ^^^

وهاذي الجملة أسمعها كل يوم

وتقعد تقولي (((شششششششششششش))) كأني غنمة

مدري وشو معناها هاذي الجملة

أدخل للحمام&&&الله يكرمكم&&& أزحف وأحبي عيوني ماني قادرة أفتحها

طبعا الشعر زي كدش أولاد جدة

أدقها تعسيله في الحمام5 دقايق

وشوي الباب يهتز من تخبيط ماما.. بسرعة .. أخوانك يبغو الحمام..

اخرج من الحمام أروح أصلي الفجر

وبعدين ألبس لبس السجون
أقصد مريول المدرسة
إلي من أيام ما حفرو البحر
وبعدين أمشط كدشتي

وألبس الشراب إلي من أيام المتوسط اللي ما أشتريت غيره
أخط كحل في عيوني وانا ماني قادرة أفتحها
وأرخط بعد الملمع في براطمي

وألبس العباية إلي ع الراس إلي كأنها مشلح عريس

واروح عند الباب افتح الباب وماما تصرخ خذي مصروف

ولا أرد عليها
أركب السيارة وألاقي السواق يستناني
ويقول .. مدام في نفر تاني ..

وأقوله مدام في عينك أمشي ياخنفووووس
أخذ لي قيلولة في السيارة وبعدين ألاقي نفسي قدام باب المدرسة

اروح المدرسة .... أفسخ المشلح

واوقف في الطابور...
وأول كلمة أنطقها .... سارعي للمجد والعليا ...... الخ

وانا مالي حيل انطق ولا كلمة
وبعدين بنات الإذاعة يقعدو يتفلسفوا ولا أحد معبرهم
وبعدين ندخل الفصول

أول وحدة ألقاها قدامي أبلة الرياضيات
الله ياخذ وجهها
من صبح الله خير وهي تصرخ.... جذر المعادلة س ص ط ه ف م وتقول كل الحروف العربية... وتدخل المراقبة
وتصرخ بأعلى صوت ربي أعطاها..
مين اللي غايب اليوم؟؟؟ ... ولما ما نجاوبها ... انطقوا بسرعة

تجي بعدها مدرسة الانجليزي
تقعد تهرج تهرج ... وانا فاتحه فمي 7 متر مني فاهمة منها ولا كلمة

وتلتفت صاحبتي وتقولي ... ايش السالفة ؟؟؟؟
اقولها ... علمي علمك ... استمعي وأنصتي وانت ساكته

تجي بعدها مدرسة التاريخ
تقعد تقول قصص تجبلك النوم

وبعدها تجي الفسحة
طبعا البنات يخروجون من الفصول زي الغنم

وطبعا المقصف ما فيه غير ذا البف اللي ريحته تصرع

وعصير تفاح كله مويه وسكر

المهم مالك غير تطرقع بالعلك

وبعدين تجي المراقبة مره ثانيه تدخل البنات على الفصول زي الغنم

وتجي الحصة الرابعه مدرسة الفيزياء ... وبس تهرج و تتكلم ماتدري ايش تقول واول كلمة تقولها ... ما تعريف التصارع

قصدها التسارع ... حنا نقول .. تعريفنا الخاص ..

التصارع هو ... رفسه وبكس ولكمة وكف .... الخ
وبعدها الخامسه....
وبعدها السادسة....
وبعدها السابعه....

وبعدين تجي الصرفة تجي المراقبه تطلع البنات من الفصول

ويزرعوك بره في حوش الغنم تحت الشمس ألين ما تحسين نفسك

صرتي فروج الطازج المشوي

وبعدين يجي السواق ... يقعد البواب ينادي .. ينادي
ولا أحد معبره

ومن أقواله المشهورة .... فلان .. فلان
وينك ما تطلع
إطلعو ولا بلاش ننادي

ولا احد يطلع

وكذا كل يوم على هاذي الحالة ألين ما تدخل الجامعة
وما تلاقين شغل وتنزرعين في البيت ألين ما تعجزي وتموتي...

تحياتي